5個香港人最易忽略的「隱形健康壞習慣」
- 健康快拍Healfie
- 2天前
- 讀畢需時 1 分鐘
香港地生活節奏快，好多壞習慣細細個開始養成，不知不覺蠶食緊你嘅健康
除咗OT多、瞓得少，仲有呢5件事你可能日日做緊，但從未為意
1. 食飯快過跑步
唔夠20分鐘食完一餐？小心大腦未收到「飽」嘅信號，已經食多咗，腸胃負荷仲要加重！
2. 長期待在乾燥冷氣房
你以為好爽？其實鼻腔黏膜乾燥會令抵抗力下降，仲會引發「冷氣病」，頭痛肩頸梗晒。
3. 坐姿極度不良
寒背、烏龜頸睇Mon，頸椎壓力爆煲，頭痛手麻遲早搵上門。
4. 放假報復性熬夜
「終於有自己時間」所以煲劇打機到凌晨？小心打亂生理時鐘，星期一返工更攰！
5. 放假坐足全日
平日坐Office，放假攤梳化，血液循環差晒，新陳代謝越坐越慢。
健康快拍提醒您簡單幾招 打破惡性循環：
每餐食夠20分鐘，放低筷子抖一抖
辦公室長備外套，保護後頸免受冷氣直吹
調高屏幕，每日靠牆站5分鐘矯正寒背
為自己設「睡眠死線」，建立睡前放鬆儀式
放假目標行夠8000步，每45分鐘起身拉拉筋
Tag你嗰位成日話攰嘅朋友，一齊改善健康！
留言