今個星期日世界高血壓日，健康快拍 幫大家整理咗 4 個降壓小撇步，一齊守護心血管健康！🫀 1. 定期量血壓 🔎 唔好等頭暈先量！建議每日固定時間（例如起身後、瞓覺前）量度。 量度前先坐低休息 5 分鐘，心情放鬆，個數值先準㗎。 2. 飲食清淡🍎 減少食鹽（鈉）攝取，多食新鮮蔬果、全穀類同低脂奶製品。 煮餸可以用薑、蔥、蒜嚟調味，代替鹽同生抽。 3. 適量運動 🏃🏻 每日散步 30 分鐘，或者做吓太極、伸展運動，有助改善血液循環。 天氣太熱或太凍就留喺室內做運動，量力而為。 4. 按時服藥 💊 如果醫生開咗降壓藥，一定要準時食，唔好因為覺得血壓「正常返」就自己停藥。 可以用藥盒幫手記住服藥時間，避免漏食。 高血壓通常無明顯病徵，所以被稱為「沉默的殺手」！高血壓如果控制得唔好，會增加中風同心臟病嘅風險。 最後提提大家，血壓指數因人而異，理想嘅血壓範圍通常係 120/80 mmHg 以下。如果你量到數值持續偏高，記得盡快諮詢醫生意見呀！💡 #長者健康 #世界高血壓日 #高血壓 #降壓貼士

就黎係「世界手部衛生日」啦~健康快拍 喺度溫馨提示大家：預防病痛，最簡單又有效嘅方法，就係「勤洗手」！ 🧼 平日大家都知道洗手，但係「洗得啱」比起「洗得快」更加緊要㗎！如果求其沖沖水，細菌係洗唔走㗎！洗手一定要用洗手液，而且要洗足時間。✋🏻 【洗手小懶人包】 記得呢幾個簡單步驟： ✅ 濕手：用水濕潤雙手，加入適量洗手液。 ✅ 搓揉：手掌、手背、指縫、指背、大拇指、指尖、手腕都要洗到。 ✅ 沖洗：清水沖乾淨。 ✅ 抹乾：用乾淨毛巾或紙巾擦乾。 📌記住要沖洗20秒！ 另外，記得食嘢之前、用手摸眼、鼻、口之前，同埋去完廁所之後，一定要認真洗手呀！ #健康資訊 #長者健康 #世界手部衛生日 #正確洗手 #洗手步驟 #預防疾病

健康快拍提提你，未來幾日又落雨喇！☔ 係咪覺得膝頭哥又痛呢？🤔 關節痛唔係因為你「老喇」，係因為天氣變緊！落雨前氣壓下降，身體組織會稍為膨脹，壓住神經線，加上濕氣重阻礙循環，所以咪又酸又痛囉。😢 唔使驚，健康快拍 幫大家整理咗呢張「風濕止痛懶人包」！ 睇住張圖跟住做，喺屋企都幫到自己舒緩： ✅ 1. 溫熱敷： 暖水袋敷痛位，促進血液循環。 ✅ 2. 坐着抬腿： 坐低伸直腳，練大腿肌肉。 ✅ 3. 腳踝寫字： 轉動腳踝，趕走積聚濕氣。 其實身體其他部位都有機會關節痛，都可以用以上方法架~ 最緊要係量力而為，如果關節突然紅腫，記得唔好熱敷，同埋要去睇醫生呀！👨‍⚕️ #Healfie #健康資訊 #長者健康 #關節痛 #風濕 #落雨痛 #懶人包 #家居舒緩